Eit noko redusert Tambarlag reiste tysdag kveld til Førde for å møte Anga i Hafstadparken i den andre serierunden i 6.divisjon. Det var ein del sjukdom og skader hjå fleire av spelarane til Tambar, blandt anna mangla begge målmennene til denne kampen. Men Gunnstein Vefring har vokta buret tidligare då det har knepe for Tambar, og han tok derfor på seg keeperhanskane denne kvelden også.

Fyrste omgang var jamnspelt mellom Tambar og Anga, der begge laga hadde sine sjanser. Michael hadde Tambar sin største, då han vart spelt fri og var åleine med Angakeeperen. Men han vart noko ubesluttsom og vart henta opp av ein forsvarar frå heimelaget.
Men Michael var stadig eit uromoment for forsvaret til Anga, og med raske føter var han vanskeleg å halde fylje med. Og Anga skal prise seg lykkeleg at dei kunne spele med 11 spelarar ut fyrste omgang. På ei gjennomløpning vart Michael klippa ned av bakerste forsvarar, og ein snill dommar trekte «kun» opp det gule kortet.

I andre enden kom heimelaget til fleire gode målsjanser. Men eit godt Tambarforsvar jobba godt og fekk avverga, og mykje av æra for at Tambar ikkje fekk mål imot i denne omgangen, skal vikarkeeper Gunnsten ha. Han hadde fleire gode redningar i kveld, og spela ein god kamp mellom stengene til Tambar.
Laga går til pause med 0-0.

I andre omgang er det Michael Kristiansen Johannessen som scorer kampens fyrste mål, og Tambar tek leiinga 1-0. Men heimelaget kjem tilbake og utlignar til 1-1.
Miguel Grønli Garfors sender Tambar på ny opp i leiinga ut i andre omgang, medan Michael set sitt andre mål for kvelden, då han sender Tambar opp i 3-1 på straffe. Straffa blir tildelt Tambar då Martin Hjørnevik Kibsgaard blir felt inni sekstenmeterboksen.

Det blir rapportert om god jobbing frå samtlige Tambarspelarar i kveld. Det kan også nemnast at Anga var svært nær fleire scoringar i andre omgang, då dei hadde to baller som small i tverrliggaren.

6.divisjon
Anga – Tambar 1-3 (0-0)
0-1 Michael Kristiansen Johannessen
1-1 Anga
1-2 Miguel Grønli Garfors
1-3 Michael Kristiansen Johannessen (str)

Dommer:  Jegatheesan Jeikishan (Florø SK)

Tambar:
Gunnstein Vefring
Andreas Kjørsvik Vatne
Marius Fagerheim Aase
Tristan Bergby Carlsen
August Rafdal Berger-Nilsen
Martin Skilbrei
Preben Kjeilen Johnsen
Martin Hjørnevik Kibsgaard
Thomas Liabø Rognsø
Michael Kristiansen Johannessen
Miguel Grønli Garfors
Geir Andre Troland
Magnus Meier


Nokre bilder frå kampen: